Loading...
Hi, How Can We Help You?

Blog

January 19, 2022

बाल अधिकार

शीला पाठक
पूर्व विद्यार्थी

संसारका हर मानिसहरू स्वतन्त्र र सुरक्षित भएर बाच्न चाहन्छन् । उनीहरू सुरक्षित हुनको लागि उनीहरूलाई मानव अधिकारको आवश्यक पर्दछ । यसरी नै बालबालिका सुरक्षित हुनको लागि बाल अधिकारको आवश्यक पर्छ । बालबालिका भनेका सामान्यतय, साना उमेरका केटाकेटी र बालअधिकार भन्नाले बालबालिकाले पाउनुपर्ने अधिकार भन्ने बुझिन्छ । नेपालको कानुनमा बाल अधिकारलाई भाग ३ धारा ३९ मा समावेश गरिएको छ र बालअधिकारलाई चार भागमा विभाजन गरिएको छ। बालबालिका बाँच्न पाउनु पर्ने अधिकारड्ड बालबालिकाले संरक्षण हुन पाउनु पर्ने अधिकारड्ड बालबालिकाहरू सहभागिता हुन पाउनु पर्ने अधिकार (शिक्षा, स्वास्थ्य सबै यसैभित्र पर्दछन् ) बालबालिका भनेका भोलिका कर्णधार हुन । भोलिका डाक्टर, पाइलट, इन्जिनियर आजका बालबालिका हुन । बाल अधिकारले उनीहरूको मानसिक र शारीरिक विकासमा निकै महइभ्वपूर्ण भूमिका खेलेको हुन्छ । बालबालिकाले गर्ने सबै काम बालश्रम हुन्छन्भ न्ने हुँदैन उनीहरूलाई लगाइने गैर कानुनी काम र नकरात्मक काम नै बालश्रम हो । नेपालको हरेक स्थानीय निकायले हरेक वर्ष १० प्रतिशत बजेट बालबालिकाको लागि भनेर छुट्टाएको हुन्छ । के यो पूर्ण रूपमा कार्यान्वयनमा आएको छ त ? मलाई लाग्छ यो पक्कै पूर्ण रूपमा कार्यान्वयनमा छैन किनभने यदि कार्यान्वयन भएको भए नेपालमा १६ लाख बालबालिका बाल अधिकार बाट वञ्चित हुनुपर्ने थिएनन् । उदाहरणको लागि हामीले हेर्न सक्छौँ, अस्तिभर्खर विरगञ्जमा मुस्कान खातुनलाई उनले प्रेम प्रस्ताव अस्विकार गरेको भन्दै एसिड प्रहार गरियो । के उनले आफ्नो प्रेम प्रस्ताव स्वीकार गर्न पाउने र नपाउने उनको हकभित्र पर्दैन र ? अनि त्योभन्दा अगाडि हामीले हेर्न सक्छौँ । निर्मला पन्तलाई बलात्कार गरेर हत्या भएको खबर त ताजा छदैँछ । यसरी बालअधिकारकोभित्र भित्र हनन् भइरहेको छ र यस्ता बदमासहरूलाई नेपाल सरकारले कडाभन्दा कडा कानुन बनाएर सजाएँ नदिएसम्म बालबालिकाहरू भित्रभित्र कुजिएर बस्न बाध्य छन् र उनीहरूले बालअधिकारको महसुस गर्न पाएका छैनन् । बालबालिका भनेका कोपिला हुन् उनीहरूलाई फक्रन नदिइ ओइलाउन दिनु हुँदैन । आज कलम समात्ने ती कलिला हातहरू धारिला हतियार समात्न वाध्य छन् र सिर्जनशील डोरा पहिल्याउनु पर्ने गोडा होटेलका कुनामा कुहिएका छन् । त्यसैले अब बालबालिकालाई बालश्रममा होइन विद्यालय पठाऔँ ।
आजको नयाँ नेपाललाई बालबालिकाको खाँचो छ र बालबालिकालाई बालअधिकारको खाँचो छ त्यसैले अब सबै बालबालिकाहरूलाई उनीहरूको अधिकार दिलाउन हामी सबै लाग्नुपर्छ । अन्त्यमा म गौतम बुद्धले भनेको भनाइ भन्न चाहन्छु उनले भनेका थिए । कुनै पनि मानिसलाई एउटा फुल मनपर्छ भने त्यो मानिसले फुल चुडालेर शिरमा राख्न सक्छ तर त्यही मानिसले त्यो फुल माया गर्छ भने सधैँ गएर त्यो फुलमा पानी हाल्छ, त्यसैले आजका बालबालिकाहरूलाई मन पराउने होइन माया गर्न सिकौँ । (बालअधिकार शीर्षकमा माडी अन्तर मा.वि. स्तरीय वक्तृता प्रतियोगितामा प्रथम स्थान हासिल गर्न सफल)

Leave a Reply

Your email address will not be published.

You may use these <abbr title="HyperText Markup Language">html</abbr> tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*