Loading...
Hi, How Can We Help You?

Blog

January 24, 2022

बाबाको महिमा

प्रकृती काफ्ले
कक्षाः ९

जसले संसार देखाउनुभयो, आफ्नो खुसी भुलेर आफ्ना सन्तान र परिवारका निम्ति सङ्घर्ष गर्न परदेश जानुभयो त्यो आत्मीय शब्द नै बाबा हो । साँच्चै बाबा र आमाको माया विश्वमै अमूल्य छ । आफ्ना सारा सपना बिर्सेर सन्तानको भविष्य साकार पार्न आफ्नो मातृभूमि, घरपरिवारसमेत छोडेर कोसौँ टाढा अर्काको देशमा गई पसिना र रगत बगाउने महान् व्यक्ति नै बाबा हो । भनिन्छ, आमाले जन्म दिनुभयो, आमा संसारकै महान् व्यक्ति हो । यो वास्तविक जीवनको सत्यता हो तर बाबा पनि संसारकै महान व्यक्ति हो । सन्तान बनेर सक्षम हुनको लागि बुवा र आमाको समान हात हुन्छ । त्यसैले मलाई लाग्छ, हाम्रो जीवन पनि बुवा आमाको देन हो, जसले गर्दा हामीले आज संसार देख्न पाएका छौं । जति अप्ठ्यारो परेपनि, जति कठिन परिस्थिति आएपनि धैर्यताका साथ कार्य सम्पन्न गर्न हौसला दिने मेरा दुई महान आमाबुवाका
अगाडि म आभारी छु ।
जति टाढा भएपनि सञ्चो नहुँदा आत्तिने मेरा बुवा, टाढा भएपनि मलाई फोनबाटै गुड मर्निङ भनेर बिउँझाउने मेरो बाबा, साँच्चै म अति भाग्यमानी छु, जसले भगवानभन्दा पनि माया गर्ने बाबा पाएकी छु । सन्तान बिरामी परेर अस्पतालमा भर्ना हुँदा ऋण लिएर पनि, आपूmले दुःख र पिडा सहेर पनि खर्च जुटाउने बाबाले नै हो । संसारमा भगवान छन्, भगवानले हामीलाई आपत् पर्दा साथ दिन्छन्, हाम्रो हरेक अप्ठ्याराहरू पार लगाईदिन्छन र हाम्रो जीवन सुखी बनाईदिन्छन् भन्ने हाम्रो धारणा छ । हो यो कुरा मैले मान्छु, भगवान छन् ती भगवान भनेका माता र पिता हुन । जसले मरेर भएपनि सन्तानको खुसी लिएर आँउछन् । सानो हुँदा मेरो छोराछोरीले के खान्छन्, के लाउँछन् र के चाहन्छन् भनेर हरेक चाहाना, हरेक इच्छा साकार पार्ने, हरेक मुस्किलमा साथ दिने बाबाले आफ्नो जीवनमा केही नपाएपनि हाँसेर सन्तानका निम्ति आफ्ना इच्छा र चाहनाको बलिदान दिनुहुन्छ । दुःख, पिडा पर्दा पनि आफ्नो पिडा लुकाएर परिवारको ओठमा हाँसो ल्याउनुहुन्छ बुवा । हरे क अप्ठ्यारा बाटाहरूमा ढाल बनी अगाडि आउने बाबा । आफ्ना आँसु लुकाएर परिवारको आँसु पुछ्ने बाबा । साँच्चै नै बाबा बन्न निकै मुस्किल छ । बाबाले आफ्नो परिवारको हरेक दुःखमा साथ दिनुहुन्छ । संसार का हरेक नकारात्मक सोच र कुराहरूको विरोध गरी हामीलाई सचेत गराउने बुवा । म सँगै शब्द नै कम छ । कसरी वर्णन गरुँ म बाबाका शब्दहरूलाई ।

साँच्चै मेरो अन्तिम साससम्म पनि बाबा र आमाकै नाम झल्किन्छ । म साकार पार्न चाहन्छु मेरो बाबाका सङ्घर्षलाई । मलाई मात्र थाहा छ कि मैले धेरै मिहिने त गर्नुपर्ने छ। म हिँड्छु मेरो बाबाले देखाएको बाटामा र साकार पार्ने छु बाबाका सपनाहरू । आँखमा आँसु नझार्नु बाबा म खुसी बनाँउला हातमा हात मिलाई सधैँ अगाडि बढौँला ।। परिवार भनी धेरै गर्नुभो देश र विदेश नजानु बाबा मन दुख्छ मेरो छोडेर परदेश ।।

Leave a Reply

Your email address will not be published.

You may use these <abbr title="HyperText Markup Language">html</abbr> tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*